CEBU CITY — Dili grabe ang gipamati ni Presidente Rodrigo Duterte sa spinal column diin nabati-an niini ang pagpanakit sa iyang likod hinungdan nga mipauli dayun gikan sa Japan.
Kini ang gibutyag ni Dr. Rene Josef Bullecer, diin nabantayan sa presidente nga dili kini makalakaw pag-ayo samtang mibisita kini sa maong nasud.
Matud ni Bullecer ang spinal clolumn mao ang series sa bukog nga maoy nagpabarog sa tao diin aduna kuni lima ka bahin.
Una, mao ang cervical kung diin adunay 7 ka bukog ang gipatong-patong nga nagpugong sa ulo.
Ikaduha, mao ang 12 ka bukog nga nagpatong-patong gikan sa abaga paingon sa tiyan.
Ikatulo, mao ang lumbar kung diin lima ka-bukog ang nagpatong-patong paingon sampot.
Ikaupat, mao ang sacral area nga adunay lima ka bukog, ug ang ikalima mao ang pinaka-gamay nga bukog gitawag ug coccyx.
Kini maoy nagsilbing haligi sa lawas sa usa ka tao ug nagdagayday ang blood vessels.
Sigon pa usab ni Bullecer dili hinuon kuyaw ang maong balatian apan mograbe kini kung dili ipa-check up dayon sa espesyalista.
