CEBU CITY-Makadawat ug P2,000 matag-usa ang mga senior citizens sa Cebu City karong umaabot nga Disyembre 1.
Kini ang gibutyag ni Office For Senior Citizens Affairs (OSCA) head Dominggo Chavez. Matud niini nga walay madawat ang mga senior citizens niining buwana gumikan kay tingob na nilang madawat sa buwan sa December.
Dugang pa ni Chavez nga anaa sa 2,011 ngadt na sa 2,013 nga na rehistro ang nagsugod na og dawat niini.
Nasayran nga anaa sa 81,000 ka mga senior citizens ang benipisyaryo kung diin P960-M ang gi-allocate nga budget sa usa ka tuig.
Samtang sa mga di makakuha sa ilang financial assistance sa sagonson nga 3 ka buwan, dili na mawagtang ang ilang pangalan sa listahan sa mga benipisyaro inay, gikinahanglan nalang niini ang ilahang rason kung nganong wala makakuha og photocopy isip pruweba sa kakulian nga nahitabo.
Samtang dili na matud pa makuha ang kwarta kung pipila ka-buwan na nga wala maka-claim ang usa ka senior citizen gumikan kay 10 ka adlaw lang ang gitagana sa pagkuha niini. (Lahvi Quiñones)
