Andam sa kanunay ang mga sakop sa Cebu City Police Office (CCPO) sa pagsikop sa mga durugista ning naghinangat nga kasaulugan sa Pasko ug bag-ong tuig.
Matud ni Police Colonel Giovanie Maines nga dili gyud sila mosipyat sa pagsikop sa mga drug targets, ilabi na kadtong mga anaa sa ilang watchlist alang sa ilang transaksyon.
Kini taliwa na sa daghang mga aktibidad ning holiday season hangtud na sa kasaulugan sa Fiesta Señor.
Mihangyo si Maines sa mga mulupyo ug mga civic groups nga tabangan sila sa ilang mas nagkakusog nga kampanya batok sa ginadiling drugas ning panahona. Kini aron, matud pa, masiguro ang kaluwasan lukop dakbayan
Mipasalig usab ang Talisay City Police Office og walay hunong ug mas gipakusog nga kampanya batok sa ginadiling drugas ilabi na ning Holiday season.
Matud ni Talisay City PNP Chief Police Major Gerard Pelare nga “relentless” ang ilang pagsikop sa mga durugista ning panahon sa pasko ug bag-ong tuig.
Pinasubay kini sa kampanya nga “Oplan Limpyo Talisay” sa habig sa Talisay City PNP.
