CEBU CITY-Gibutyag ni Captain Joe Patrick Martinez ang Deputy Commander sa 3rd Civil Relation Group sa Central Command Visayas nga anam-anam na nga naka-amgo ang publiko ingon man ang mga “silent majority” nga ang recruitment sa walhong grupo o NPA nga nahitabo sa tunghaan, ang tinood gyud nga kalihokan.
Sa pakighinabi sa Bombo Radyo Cebu kang Martinez, nagkanayon kini nga duna na’y kalambo-an gumikan kay mismong ang mga ginikanan karon sa mga batan-on nga gipang recruit sa mga walhong grupo sama sa Anak-Bayan ug Anak-Pawis ang nakig-alayon na kanila.
Gihimug-atan ni Martinez nga ang mga ginikanan ang maoy una nga mu-protektar sa mga anak aron nga dili kini ma-aghat sa mga walhong grupo nga musulod sa ilang han-ay tungod kay wala kini maayong sangpotanan.
Dason pa ni Martinez nga ang naasoy nga scheme recruitment, dili lamang sa area sa Negros o sa Mindanao apan kini nationwide, hinungdan nga padayon ug ila sa gihapo’ng gipanghingusgan ang pakigbatok niini.
Mapasalamaton usab si Martinez ilabina sa Visayas Region nga wala’y kadaot nga nahitabo gumikan sa pagtinabangay sa publiko. Nanghinaot ang opisyal nga magpadayon nga alerto ug magbinantayon sa gihapon ang katawahan ug makig-alayon kanunay sa otoridad.
