CEBU CITY – Panahon na arun nga tangtangon sa senado sa Estados Unidos si US President Donald Trump.
Kini ang pamahayag ni Ustadz Najeeb Razul, Filipino Muslim community elder sa Sugbo.
Gitawag ni Razul si Trump nga usa ka ‘warmonger’ ug nagdala lang kini ug kagubot.
Matud pa nga ang US president ang nagdala ug kadaut ug Estados Unidos hayan angayan na kini nga palagputon sa pwesto.
Gituohan sa muslim elder nga ang pag-insistir ni Trump ug kagubot ang usa lang ka ‘diversionary move’ niini sa gi-atubang nga impeachment case.
Sigon pa nga gusto lang sa US president nga tabunan ang gi-atubang niini nga impeachment ug ang gubat ang mamahimo usab niini nga ‘political posturing’ sa umaabot nga US election.
Gibutyag ni Razul nga usa ka iresponsabli nga lakang ang gibuhat ni President Trump diin nagbutang lang kini ug hulga sa mga nasud lukop kalibotan.
Nanghinaut na lang kini nga dili na mugrabi pa ang tensyon sa Iran ug United States inay lingkoran na lang duha ug ipaagi sa usa ka malinawon nga proseso ang tanan.
Nagkanayon ang maong muslim elder nga nagpuyo lang ang tawo sa usa ka planeta hayan dili unta kini angayan nga gub-on arun nga mapahimuslan pa kini sa musunod nga mga henerasyon.
Giawhag ni Razul ang tanan nga mag-ampo nga dili mahitabo ang makalilisang nga ikatulong gubat lukop kalibotan.
