CEBU CITY-Gikondinar sa LGBT Community ang gibuhat ni ascertain ‘Sean’ human nag-viral ang hulagway niini nga nakita ang dughan samtang nagunit ug imahe ni Sr. Sto. Niño niadtong nakalabay nga Sinulog, Enero 19,2020.
Gibutyag ni Juergen Maxilom ang chairman sa Cebu City Anti Discrimination Commission sa exclusive interview sa Bombo Radyo Cebu atol sa programang Zona Libre, nga nasagmuyo gayud siya sa gibuhat ni Sean.
Kini human usab nga dunay concern citizen nga nagpaabot og mensahe sa Bombo Radyo Cebu Facebook Fan Page ug mi-send sa law-ay nga hulagway niini.
Base sa ilang gipahigayon nga imbestigasyon, nasayran nga usa ka transgender si ascertain Sean. Matud ni Maxilom nga gimitingan na nila ang kabahini niini sa opisina ni Cebu City Councilor Joel Garganera kung diin ilang nasabutan nga ilang imbitaron ang mahuyang aron patubagon kabahin sa nahitabo.
Hinoon sa ilang pag-contact ni Sean andam matud pa kini nga mupadayag sa iyang rason. Wala pa masayri kun kanus-a kini mupatim-aw sa naasoy nga buhatan.
