CEBU CITY — Moabot sa 15 ka panimalay sa Sitio Buli, Duljo, Fatima ning dakbayan sa Sugbo ang nasunog gabie.
Sa inisyal nga imbestigasyon sa kabomberuhan nagsugod ang pag-ulbo sa kayo sa panimalay sa maglive-in nga Jimboy og Mary Anne Ybaniez.
Moabot sa halos usa ka oras ang pakig-away sa mga bombero sa maong sunog diin gisaka pa sa second alarm ang maong insidente.
Samtang gibana banaang mokabat sa Php 100,000 ang danyos sa maong sunog.
Padayon pa ang imbestigasyon sa mga kabomberuhan sa hinungdan sa pag ulbo sa kalayo sa maong dapit.
Dungan sa pag ulbo sa sunog, daw nisaka usab ang pressure sa dugo sa pipila ka mga residente nga apektado sa maong sunog human nga gitabangan og kulata ang usa ka lalake nga giingong nisunog sa ilang panimalay human nag-away kini og sa iyang kapuyo.
Gikulata sa mga residente si alyas Jimboy, kapuyo sa usa ka Mary Anne Ybaniez.
Nakaangkon og mga bun-og sa kalawasan si Jimboy diin giatngan pa kini atol sa pagsakay niii sa ambulansiya.
Samtang atol sa pakighinabi sa Bombo Radyo Cebu sa live-in partner niini nga Mary Anne, gihimakak niini ang gikataho nga gisunog og tuyo ang ilang panimalay hinungdan sa pag-ulbo sa sunog.
Gibutyag niini nga kalit na lang nga nagsiga siga ang ilang kuryente hinungdan nga dali matod pa sila nga nanagan. (with reports by Bombo Joann Gantalao/gs)
