CEBU CITY — Gikumpirmar ni Mandaue City Public Information Office nga padayon ang quarantine period sa 37 ka mga Persons Under Investigation nga anaa sa hospital sa dakbayan.
Apan wala kini magpasabot matod ni Evañez nga aduna na’y positibo sa coronavirus sa syudad.
Matud sa tigpamaba sa mayor nga si Atty. John Edu Ybañez, nga dili mga taga-Mandaue ang maong mga indibidwal og self-staying matod pa kini.
Gipaubos ang maong mga indibidwal sa 14-day quarantine, diin gihulat na karon ang resulta sa gipahigayong COVID-19 test alang sa mga nahisgutan.
Hinuon giklaro sa opisyal nga walay angayang kabalak-an ang katawhan gumikan kay andam ang dakbayan ingon man ang mga 27 ka barangay sa syudad sa pag-asikaso sa sitwasyon.
Aduna’y mga insaktong Protection Protective Equipment ang syudad alang sa mga indibidwal nga mo-atiman sa maong mga PUIs.
Subay niini gihangyo ni Ybañez ang publiko nga magtibangay og dili lamang isalig ang tanan sa gobyerno.
Lakip sa mahimo matod pa sa komunidad mao ang pagsanong sa mga protocol nga gipatuman batok sa covid-19 ingon man ang paglikay sa pagpakatap sa mga fake news. (gs)
