CEBU CITY– Mipahimangno si LTFRB 7 Regional Director Eduardo Montealto sa mga drayber sa pangpasahero-an nga sakyanan nga tumanon ang one-seat policy isip precautionary measure sa paglikay sa coronavirus disease 2019.
Gitataw ni Montealto nga 50 porsyento lang sa sitting capacity ang gikinahanglan nga pasakyon.
Matud pa nga posibling masuspenso ang prangkisa sa dili musunod sa maong protocol, ingon
man monetary penalty nga mukabat ug P5,000 hangtod na sa P15,000.
Sigon sa regional director nga adunay mga enforcers nga nagbantay sa mga kadalanan arun nga musita sa mga drayber nga dili mutuman sa maong polisiya. Gawas sa jeep de pasahero-an, lakip sa maong polisiya ang taxi, ingon man mga van-for-hire.
Gipasabot niini nga sa taxi, kinahanglan nga dili mulapas sa upat ang sakay dala na sa drayber, samtang dili usab mulapas sa walo dala sa drayber ang sakay sa V-Hire.
Samtang, gipahibalo usab ni Montealto nga kasamtangan nga gisuspenso ang operasyon sa mga motor taxi o habal-habal subay sa pagsunod sa ‘social distancing‘. | GBS
