CEBU CITY- Positibo ang bagong Task Force Covid-19 Chief sa Cebu nga si Gen. Roy Cimatu nga matagaan og solusyon ang nagkagrabe nga sitwasyon sa dakbayan sa nagkasakang kaso sa Covid-19.
Kini ang gibutyag ni Cimatu atol sa virtual press briefing nga gitambongan sa mga opisyal sa Inter Agency Task Force lakip na sila Health Sec. Francisco Duque III, Interior Sec. Eduardo Año, ug Office of the Presidential Assistant for the Visayas (OPAV) Sec. Michael Diño kagahapong adlawa.
Matud ni Cimatu nga bisitahon niini ang pipila ka mga barangay sa Metro Cebu nga adunay tag-as nga kaso sa Covid-19 ug makig-istorya kini sa mga barangay kapitan.
Gihimug-atan usab sa bagong task force chief nga maminaw kini sa mga yango-ngo sa mga barangay officials aron nga ma-address ang problema kung nganu nga nagkasaka man ang kaso sa barangay niini.
Napanglantawan ni Cimatu nga sa maong paagi, mukunhod ang ihap sa mga reported cases.
