CEBU CITY — Gipaubos na pagbalik sa general community quarantine (GCQ) ang dakbayan sa Sugbo sugod karong Agosto 1.
Atol sa public address ni Presidente Rodrigo Duterte, nagkanayon kini nga panahon na aron mugbu-on na ang purgatoryo.
Kahinumdumang gibalik sa enhanced community quarantine (ECQ) ang dakbayan sa Sugbo niadtong Hunyo 15 gumikan sa taas nga natalang kaso sa COVID-19.
Milungtad ang ECQ status sa Cebu City hangtud Hulyo 15 diin personal nga gisubay sa Inter-Agency Task Force (IATF) ang sitwasyon ug pagpatuman sa mga lakang, pinaagi ni Environment Secretary Roy Cimatu.
Ubos sa GCQ, lauman usab ang hinay-hinay nga pagbalik sa operasyon sa pipila ka mga negosyo ubos sa mga striktong protocols sama lang sa limitadong gidaghanon sa mga tawo sa sulod.
Samtang mahimong ipatuman sa Regional IATF ang localized lockdowns sa mga sitio ug barangay depende lang sa gilapdon sa pagkuyanap sa virus.
Gawas sa dakbayan sa Sugbo, gipaubos usab sa GCQ ang dakbayan sa Mandaue ug Lapu-lapu samtang modified general community quarantine usab sa uban pang bahin sa lalawigan sa Sugbo, gawas lang sa Talisay City, Minglanilla, ug Consolacion, kansang gipaubos gihapon sa GCQ. /gn
