CEBU CITY — Nakalatid sa giluwatan nga Executive Order (EO) 094 ni Cebu City Mayor Edgardo Labella ang pipila ka kausaban sa mga restrictions sa pagpa-ubos sa dakbayan sa Sugbo sa Modified General Community Quarantine (MGCQ hangtod na sa katapusang adlaw sa buwan sa Oktubre.
Lakip na niini ang pagkonsiderar sa mga senior citizens ug sa mo-ubos sa 21 anyos nga mga indibidwal kung anaa sa emrgency situation ug kinahanglang nilang mogawas alang sa paghimo sa mga aktibidad nga gitugotan ubos sa MGCQ status.
Gilibkas na usab sa dakbayan ang liquor ban o sa pag-inom sa mga pampublikong lugar apan di gihapon tugotan nga mag-operate ang mga bars, beerhouses ug uban pa.
Nagpabilin gihapon ang pagpatuman sa Quarantine pass diin usa lang ka indibidwal ang makagamit niini.
Nagsunod gihapon ang syudad sa number coding scheme sa mga gikatakdang adlaw basi na sa katapusang digit sa code sa Q-pass.
Ang adunay odd number gitugotan nga makagawas sa Lunes, Miyerkules ug Biyernes samtang tugotan nga magawas ang adunay even numbers ug zero sa adlaw’ng Martes, HUwebes ug Sabado.
Samtang ang wa na’y coding sa adlaw’ng Dominggo sanglit pwede na nga makagawas ang mga adunay Q-pass sa bisan unsang oras sa di pa ang curfew hours.
Nagpabilin gihapon nga anaa sa alas 10 sa gabie ngadto na sa alas singko sa buntag diin exempted niini ang mga trabahante o Authorized Persons Outside Residence (APOR) ug mag-presentar lang sa Identification Cards o Certificate of Employment sa mga checkpoints. /gbs
