CEBU CITY — Dili mo-uyon ang Police Regional Office (PRO)-7 sa pagpahigayon og mga kalihukan alang sa Sinulog Festival karong tuiga sama lang sa grand parade ug uban pa.
Kini human nga mirekomendar ang Regional IATF nga walay Sinulog performances karong tuiga aron kalikayan ang mass gatherings nga mosangput sa pagtinakdanay sa COVID-19.
Matud ni Police Lt. Col. Glenn Mayam, ang Operation Management Division chief sa PRO-7, nga susama usab ang ilang rekomendasyon nga gihatag ngadto sa Emergency Operations Center isip pagsanong sa protocol nga mao ang paglikay sa panagtapok.
Dugang pa niini nga wala pa sila nakadawat og memorandum o dokumento gikan sa City Hall ug sa Cebu City Police Office (CCPO) kabahin sa pagpahigayon sa mga cultural celebrations.
Hinuon, gitugutan gihapon sa mga otoridad ang uban pang mga kalihukan sa fiesta ni Señor Sto. Niño sama lang sa Novena Mass kung diin striktong gipatuman ang mga health protocols sa sulod sa simbahan.
