CEBU CITY — Dul-an sa 200 ka mga pulis sa Lapu-Lapu City Police Office ang ipangpakatap palibot sa vicinity sa Mactan Shrine alang sa pagsaulog sa ika-500 nga anibersaryo sa “Kadaugan sa Mactan.”
Gitataw ni City Director sa LLCPO nga si PCol. Arnel Banzon nga bisan og nipamahayag una si Presidente Rodrigo Duterte nga dili kini motambong sa moang kalihukan, nangamdam ang kapulisan sa kinalit nga pagtambong sa lider sa nasud.
Butang nga nakig-aluyun na kini sa Police Regional Office (PRO-7) ilabi na ni Regional Director PBGen. Ronnie Montejo alang sa dugang pwersa nga mobantay sa lugar kung moabot si Presidente Duterte.
Gawas niini dul-an sa 15 ka mga K-9 units gikan sa Philippine Army, Navy, ug PNP ang ipang-deploy sa area.
Ang Philippine Army ang mobantay mismo sa sulod sa Mactan Shrine, samtang ang kapulisan ang duol palibot sa bisinidad.
Magsugod ang mga gipang-andam nga programa sa alas 8:00 sa buntag diin atangan ang pagtambong ni Executive Secretary Salvador Medialdea.
Paga-atangan usab ang Unveiling sa Historical Mark ni Fernando Magallanes, Mactan, ug Lapu-Lapu.
Lakip na ang presentasyon sa Commemorative Stamp ug Virtual Groundbreaking of Lapu-Lapu Memorial Shrine and Museum.
Samtang, ang labing highlight usab kay ang Reenactment sa Battle of Mactan.
Gawas niiini adunay gi-andam gna 4,000 ka mga swab test kit ang Lapu-Lapu City Government kung ugaling makadesider si Presidente Duterte nga motambong sa naasoy nga kalihukan. ###
