CEBU – Malampuson ang gipahigayon nga final testing and sealing sa probinsiya sa Sugbo nga gisugdan kagahapong adlawa, bisan pa man sa mga gagmay nga problema sa technicalities.
Gibutyag ni Atty. Jerome Brillantes, ang Comelec Cebu Province Election Supervisor, nga sa kinatibuk-an adunay mga 50 mga Vote Counting Machines (VCMs) ang mipalyar, apan dali ra man kining nasulbad ug magpadayon ang final testing and sealing karung adlawa.
Bisan pa man niini, gisiguro ni Brillantes nga andam na ang probinsiya sa Sugbo sa ipahigayon nga piniliay sa umaabot nga adlaw nga Lunes, Mayo 9.
Mensahe na lang ni Atty. Brillantes sa mga botante nga tumanon ang ‘right to suffrage’, vote wisely, ingon man nga karun nga nagkaduol na ang adlaw sa pagpili, mas angayan nga hinuktokan pagmaayo ang mga kandidato nga botaran.
