CEBU – Nipalabang sa ordinansa ang Cebu City Council nga makapauswag sa transparency sa public transactions sa kagamhanan sa dakbayan.
Gipasar sa Konseho ang Freedom of Information (FOI) ordinance nga gi-author ni outgoing Councilor Eduardo Rama Jr., nga nagtugot sa mga dokumento nga magamit sa publiko kon hangyoon ug maghatag ug gahom sa pagpanalipod sa data privacy.
Matud pa ni Rama, kinsa bag-o lang napili isip South District Representative,nga ang kagamhanan sa dakbayan nag-ila sa katungod sa impormasyon ug ang ordinansa naghatag og gahom niini sa lokal nga lebel.
Ubos sa FOI ordinance, kinahanglang adunay legal nga presumption pabor sa access sa impormasyon, public records, o official records.
Nagmandu usab ang ordinansa nga sa matag departamento sa dakbayan kinahanglang adunay FOI receiving officer nga modawat, mo-screen, ug sa pag-aprobar sa department head,ug mopagawas sa gikinahanglang mga dokumento.
Ang tawo nga gustong maka-access sa mga publikong rekord kinahanglang mosumiter ug sinulat ngadto sa FOI receiving officer ug mahimong mokonsulta sa naulahi mahitungod sa datos o dokumento nga gipangayo.
Dugang pa,nga ang mga kawani sa gobyerno nga mapakyas sa pagtuman sa ordinansa sa FOI mahimong matangtang sa serbisyo human sa tulo ka welga.
Nagpaabut nalang ang maong ordinansa sa pirma ni Mayor Michael Rama.
