CEBU – Usa ka 63-anyos nga babaye, kinsa naggamit sa iyang pagka-tigulang alang sa pagpamaligya og ilegal nga drugas, nakuhaan og P7.4 milyones nga kantidad sa gituohang shabu atol sa buy-bust operation sa Barangay Poblacion Oriental sa lungsod sa Consolacion sa amihanang bahin, sa Cebu gahapong adlawa Biyernes sa gabii, Hulyo 15, 2022.
Matud pa ni Police Major Joey Bicoy, hepe sa Intelligence Unit sa Cebu Provincial Police Office (CPPO), nga ilang nasakpan si Wennie Delos Santos Chow, nailhan usab nga “Nanay,” nga adunay usa ka kilo nga gituohang shabu atol sa buy-bust operation alas 8:45 sa gabii sa Biyernes.
Matud pa ni Bicoy nga ang ilegal nga drugas nga nakumpiskar gikan kang Chow sa Barangay Subayon, dakbayan sa Toledo adunay gibanabanang market value nga P7.4 milyones.
Gihulagway usab niya nga si Chow usa ka maalamon kaayo nga tigulang nga babaye, kinsa giingong usa ka big-time player sa illegal nga drug trade.
Dugang pa ni Bicoy nga maka-dispose si Chow og labing menos usa ka kilo sa gidudahang shabu matag semana ug mag-operate sa tri-city-Lapu-Lapu, Mandaue ug Cebu-ug silingang dakbayan sama sa Talisay City.
Tataw pas a opisyal nga si Chow kanhi drug player niadtong 2012 o 2013, apan naka-hiatus siya niadto atol sa hugot nga pagpatuman sa Oplan Tokhang niadtong 2016.
