CEBU –
Gihangup ni Dr. Mary Jean Loreche, ang chief pathologist of the Department of Health sa Central Visayas (DOH 7), ug ang consoltant sa Cebu City Medical Center (CCMC), ang pagbutyag ni Presidente Ferdinand “Bongbong” Marcos Jr. atul sa iyang SONA, nga ang Heart Center, Lung Center, National Kidney and Transplant Institute, Children Hospital, gikinahanglang dili lang kini sa NCR, apan apil usab sa nagkadaiyang Lugar sa Nasud.
Dugang pa ni Dra. Loreche, nga gikalipay niya kini ug dako, ilabi na nga damgo kini alang kanila nga adunay Center for Disease Control and Prevention sa Nasud, ug gikinahanglang bulag kini sa Department of health, sama sa ubang nasud, gumikan kay lahi ang ilang mga buhatonon.
Saysay pa niini, nga kung lantawon diri sa Region-7, ilaha nang gisugdan ang Regional Center for Disease Control and Prevention, hinungdan nga nalipay ug nakurat sila nga usa usab kini nga gustong himoon sa atung bag-ong pangulo sa nasud, ilabi na nga ang pandemya nahimong hinungdan nga gikinahanglan nang mangandam sa Nasud sa natad sa panglawas, kung ugaling aduna pay moabut nga mga kakulian sama sa Covid-19.
