-- ADVERTISEMENT --
CEBU – Sikop sa kapulisan sa Argao ang branch manager ug teller sa usa ka agribusiness company sa Bohol gumikan sa kaso’ng estafa sa Barangay Capio-an, lungsod sa Argao, probinsiya sa Sugbo.
Base sa taho sa Argao Municipal Police Station, mismong ang kapulisan sa Argao ang niserve sa warrant nga giluwatan ni Judge Glenn P. Pergamino sa Branch 52 Talibon batok kang Renato Autida, 38, minyo, manager sa Organico Talibon branch ug sa teller nga si Vincent Bunado, 30, minyo.
Nasayran nga pulos lumulopyo sa Barangay Tanghaligue, Talibon, Bohol ang mga suspetsado.
Mag-atubang og kaso’ng syndicated estafa ang mga akusado ug walay piyansa nga gitanyag ang korte alang sa ilang temporaryo’ng kagawasan.
