CEBU – Nagpahigayon ang mga mag-uuma, mamumou, mga tinun-an og pipila ka mga organisasyon ug rally sa Fuente Osmeña ning dakbayan sa sugbo kaganiha.
Subay kini sa ika-50 na katuig dihang gi pahamtang sa kanhi presidente sa Pilipinas nga si Ferdinad Marcos Sr. ang Matial Law sa sa atong nasud.
Matud pa Jaime Paglinawan, Chairman sa Bayan Muna Central Visayas nga angayang hinumdumon sa katawhan ang kangit-ngit nga nasinati sa mga nabiktima kaniadtong panahon sa martial law.
Gihumug-atan usab niini nga bisan paman dili daghan ang nisalmot sa maong kalihukan, wala gihapon nawala sa panumduman sa mga katawhan ang kasakit sa ilang nahi-agian sa martial law apan gipili nalang sa uban nga manarbaho una aron nga sa pagtubag sa crisis sa nahiaguman sa kasamtangan.
Hangyo nalang niini sa panahon sa anak ni kanhi Presidente Ferdinand Marcos Sr. nga si Presidente Ferdinand Marcos Jr. nga matubag na ang mga crisis sama nalang sa kamahal niining mga palaliton.
