CEBU – Gipahibalo ni Cebu City PROBE Team Head Raquel Arce nga magpadayon ang clearing operation sa Doña Pepang Cemetery karung adlaw nga Lunes, Oktubre 25, 2022.
Kini ang iyahang gibutyag bisan pa man sa hulga sa kinabuhi nga ilahang nadawat.
Matud ni Arce nga sayup ang pagtuo sa nagbuhat sa pagpanghulga nga muhunong sila sa pagpahigayon ug clearing operation gumikan kay bisan pa man niini, giingong magpadayon ang ilahang trabaho.
Gitino niini nga aduna na sila’y suspek apan dili pa lang una mapahibalo ang pangalan gumikan sa kakuwang sa ebidensiya.
Gidudahan nila ang maong tawo gumikan kay giingong mao lang kini ang adunay daghang manok nga gitugway sa minteryo, nagtukod ug storage alang sa iyahang negosyo, ingon man nga nagkuha ug parking fee.
Kahinumdoman nga adunay nagbilin ug bala sa area kung diin ipahigayon ang clearing operation, butang nga ilaha kining gi-seryoso ug gipa-blotter na sa kapulisan.
