CEBU – Di mominos sa P83.9 milyones nga balor sa ilegal nga drugas ang naguba sa mga awtoridad sa Sugbu karung adlawa Lunes, Disyembre 12, 2022.
Kung diin ang mga ahente sa Philippine Drug Enforcement Agency sa Central Visayas maoy nanguna sa pagguba sa usa ka punerarya nga nahimutang sa dalan Junquera sa downtown Cebu City.
Ilang giguba ang 12.3 kilos nga ‘shabu’, 1.9 kilos nga dahon sa marijuana, unom ka piraso sa fully grown nga tanom nga marijuana, 136 mL nga ‘nubain.’ Mokabat sa P83.9 milyones kining ilegal nga drugas.
Matod ni Levi Ortiz, director sa PDEA-7 Kini ang ikatulo nga drug destruction sa PDEA-7 karong tuiga human sa P256.4M nga naguba nga illegal nga drugas niadtong Nobyembre 29, 2022.
Dugang pa ni Ortiz nga ‘successful’ ang ilang illegal nga kampanya, dili lang sa malampusong anti-illegal drug operations ug destructions, apan lakip na sa nagkadaghang mga drug offenders nga nakahuman sa ilang drug rehabilitation program.
