PROVINCE OF CEBU-Gitaho sa mga opisyal sa Bureau of Animal Industry (BAI) ug Department of Agriculture (DA) niadtung Marso 30, 2023, nga misaka ang ASF infection sa Cebu province, ngadto sa 12 ka mga lugar gikan sa unom lang sa miaging semana, kini usa ka adlaw human gipasakaan ug kaso ni Cebu Gobernador Gwendolyn Garcia ang BAI tungod sa ilang deklarasyon ug pagdumala sa hulga sa African swine fever (ASF).
Butang nga gikasuko ni Cebu Gobernador Gwendolyn Garcia, kini gumikan kay sa Marso 27, ang BAI mibutang sa mosunod nga mga lungsod ug siyudad ubos sa red (infected) zone: ang siyudad sa Bogo, Carcar, Cebu, Mandaue, Lapu-Lapu ug Talisay, ug ang lungsod sa Cordova, Liloan, Minglanilla, San Fernando , Sibonga ug Tuburan.
Samtang nakurat usab ang mga opisyalis sa Mandaue ug Lapu-Lapu City, gumikan kay wala sila makasiguro nganong ang ilang mga siyudad gipaubos sa red zone.
Apan ang mga opisyal sa Lapu-Lapu ug Cebu City wala makakita sa status nga nakaapekto sa supply sa baboy sa ilang mga lugar.Nasayran nga gibase sa BAI ang pinakaulahing ASF Zoning Status sa tanang probinsya, lungsod ug siyudad sa Pilipinas sa datos nga nahipos gikan sa Marso 6 hangtod 27, 2023.
