CEBU CITY-Nagpaabot pa sa pagtugot sa Local Water Utilities Administration (LWUA) ang Metropolitan Cebu Water District (MCWD) alang sa ilang gisugyot nga 60 porsiyento nga umento sa tubig.
Gitino sa general manager ug abogado sa MCWD nga si Jose Daluz III, nga ang board ug ang management sa MCWD kinahanglan pa nga maghisgot kon unsaon pagsustenir ang nagkataas nga gasto sa water utility samtang naghulat pa sa LWUA approval sa gisugyot nga pagtaas sa taripa sa tubig ug ang umaabot nga dugang nga desalinated nga suplay sa tubig karong tuiga.
Dugang pa, nga ilang gipaabot nga madungog ang desisyon sa LWUA karong buwana o sa Hulyo.
Kahinumduman, nga ang MCWD nisugyot og 60 porsiyento nga umento sa tubig aron mabayran ang galastohan sa nagpadayon nga mga proyekto ug mga kontrata nga gipirmahan sa umaabot nga mga proyekto sa MCWD.
