CEBU CITY-Nakita sa CCTV sa usa ka mall ang pagpangawat sa usa ka grupo nga ‘Salisi Gang’ sa bag sa customer, hinungdan nga gipang dakop sila ug gidala sa Mambaling Police Station.
Giila sa Kapulisan sa Mambaling Police Station ang nadakpan nga sila si Jericho Sarco, 24; Jessica Santos Sarco, 35; Mark Anthony Balan, 30 anyos mga taga Bulacan; Mark Anthony Aragosa, 26, residente sa Dasmariñas, Cavite, ug Marichar Parindol, 42 anyos taga Cavite gihapon kasamtangang nagpuyo sa Lapu-Lapu.
Matud pa sa Mambaling Police station, Miyerkules sa hapon Agosto 2, 2023 midangop ang security station sa maong mall nga si Silvestre Maamo Jr. aron mo reklamo sa iyang bag nga nawagtang.
Gawas pa ni Maamo daghan pa nga reklamante ang midangop ug mipahibalo nga nawagtang usab ilang mga butang sa maong mall diin gidali og monitor sa security personnel ang CCTV.
Hinungdan nga nailhan ang mga kawatan ug gisundan pag-gawas ug dayong dakop kanila.
Sa pagkakaron nabalhog ang mga suspek sa Mambaling police station diin ning angkon sa maong pagpangawat.
