CENTRAL VISAYAS-Gideklarar nga drug cleared ang laing 42 ka barangay ug usa ka lungsod sa Central Visayas subay sa mainampingong deliberasyon sa Regional Oversight Committee (ROC).
Ang ROC sa Barangay Drug Clearing nagtigom sa Agosto 11, 2023 aron tukion ang mga hangyo alang sa drug cleared status sa 42 ka barangay ug usa ka lungsod.
Kung diin si Deputy Regional Director Benjamin Recites sa Philippine Drug Enforcement Agency in Central Visayas (PDEA 7), maoy nangulo sa tigom uban sa ROC members Celerino Magto Jr. sa Department of Interior and Local Government sa Central Visayas, Major Rey Delos Santos sa Police Regional Office-Central Bisaya ug Dr. Jonathan Neil Erasmo sa Department of Health-Central Visayas.
Sa 42 ka barangay, 25 sa lalawigan sa Sugbo, 11 sa Bohol, ug tulo sa Cebu ug Mandaue.
Malampuson nga giila ang lungsod sa San Remigio sa amihanang Sugbo nga ikawalong drug cleared municipality.
Matod ni PDEA 7 information officer Leia Alcantara, ang drug affectation niubos gikan sa 43 percent niadtong Hulyo 2023 ngadto na lang sa 42 percent karong Agosto.
