CEBU CITY-Minilyon nga kantidad sa Marijuana ang gisunog sa mga tinugyanan sa balaod sa dakbayan sa Sugbo niadtong Sabado sa buntag sa tinguha nga ipadayon ang pagsumpo sa gobyerno sa ilegal nga mga butang.
Matod ni PLt. Colonel Janet Rafter Deputy City Director for Operation sa Cebu City Police Office, nga dul-an sa 25,000 ug giingong mobalor og P10 milyones ka lindog sa fully grown nga marijuana ang gisunog sa Sitio Mit-ol, Barangay Tagbao, dakbayan sa Sugbo.
Kini subay sa hiniusang operasyon sa mga personahe sa City Mobile Force Company Cebu City Polie Office, Naval Forces Central 7, ug Talamban Police Station aron dungan nga ipahigayon ang pagsunog sa gidiling drugas.
Ang pagsunog niini subay sa Section 21(4) sa RA 9165 o Comprehensive Dangerous Drugs Act of 2002 nga nag-require sa hinanaling pagguba o pagsunog sa mga nakumpiska nga ilegal nga drugas sulod sa 24 oras.
