BILAR, BOHOL-Patay ang Unom ka miyembro sa NPA ug anaa sa pito ka high-powered firearms ang nasakmit sa sunodsunod nga engkwentro sa Bohol.
Sa pakighinabi sa Bombo-Radyo Cebu kang Lt. Col. Israel Galorio, ang tigpamaba sa Armed Forces-Visayas Command, gibutyag niini nga ang sunodsunod nga engkwentro nahitabo sa Brgy Campagao sa Bilar, Bohol tali sa hiniusang elemento sa 47th Infantry Battalion ug 21st Special Forces Company (Riverine) sa 302nd Infantry Brigade ubos sa Joint Task Force (JTF) Spear, batok sa mga salin sa nabungkag nga Bohol Party Committee sa Komiteng Rehiyon Negros, Cebu, Bohol, Siquijor (KR NCBS).
Dugang pa, nga ang unang engkwentro nahitabo mga alas 7:35 sa buntag diin ang mga tropa nagpahigayon og operasyong militar isip tubag sa gikatahong presensya sa mga NPA sa Sitio Ilaya sa samang barangay.
Gisundan kini sa sunodsunod nga laing lima (5) ka engkwentro sa samang dapit nga adunay pipila lang ka minuto nga agwat.
Hinungdan sa pakamatay sa unom (6) ka myembro sa NPA bulag nga engkwentro, kung diin duha (2) ang napatay sa ikaduha ug ikatulo nga engkwemtro, usa (1) ang napatay sa ikalimang encounter, Samtang tulo (3) ka miyembro sa NPA ang napatay atol sa ika-unom nga encounter.
Human sa engkwentro, narekober sa tropa ang patayng lawas sa unom (6) ka miyembro sa NPA ug nasakmit ang pito (7) ka high-powered firearms nga naglakip sa, lima (5) ka 5.56mm AR15 Rifle ug duha (2) ka AK47 Assault Rifles.
Subay niini, gidayig ni Lieutenant General Benedict M Arevalo, Commander sa VISCOM sa mga tropa sa ilang dili matarug nga paningkamot ug paspas nga pagtubag sa mga kasundaluhan sa katawhan alang sa kalinaw pinaagi sa pagpakusog sa mga operasyon niini batok sa mga teroristang NPA sa tibuok rehiyon sa Visayas.
Gidugang, nga ilaha nang gipaabot nga ang teroristang grupo mahimong aktibo sa karun nga panahon ug mopalambo sa ilang mga kalihokan sa pagpangilkil ug i-proyekto ang ilang pwersa aron mahulga ang katawhan ug maimpluwensyahan ang umaabot nga Barangay ug SK Elections sa ilang pabor.
Subli nga nanawagan ang opisyal sa pipila nga nahabilin nga mga miyembro, nga mobalik sa sabakan sa gobyerno, samtang aduna pay higayon.
