CEBU CITY-Nawad-an og kuryente ang anaa sa pito ka lungsod sa habagatang bahin sa lalawigan sa Sugbo pipila ka oras human sa opisyal nga pagsira sa Barangay at Sangguniang Kabataan Elections 2023 pasado ala 1 sa hapon kagahapong adlawa, Oktubre 30, 2023.
Nasayran nga ang mga apektadong dapit mao ang mga munisipalidad sa Barili, Dumanjug, Ronda, Alcantara, Moalboal, Badian, ug Camotes Island.
Mao kini ang gibutyag ni Ivan Jason Delos Santos, administrative officer sa Commission on Elections (COMELEC) Central Visayas.
Gitino sa opisyal nga nakadawat sila og taho gikan sa Department of Energy (DOE) nga adunay na damage nga crossarm sa tower sa usa ka electric utility sa lalawigan, hinungdan nga nawad-an og kuryente ang mga naasoy nga mga lungsod.
Dugang ni Delos Santos nga naresolba ang maong kakulian sulod sa duha ka oras.
Hinuon, wala ra maka-apektar ang maong panghitabo sa dagan sa piniliay kagahapong adlawa gumikan kay manual man ang pamaagi sa pagbotar.
