MINGLANILLA, CEBU-Patay ang usa samtang upat ang naangol human nga gidaro sa six wheeler truck nga nagkarga og mga manok ang nakabangga sa mga awto ug motorsiklo sa Brgy. Calajo-an National Highway Lungsod sa Minglanilla, Cebu.
Giila ang namatay sa insidente nga si Ian Baranggan, taga Sitio Seaside North Poblacion City of Naga samtang ang tulo ka mga nanga-angol gidali pagdala sa Minglanilla District Hospital.
Base sa inisyal nga imbistigasyon sa Minglanilla Traffic Command nga sa wala pa nabangga ang maong trak, saba na ang maong dagan sa makina, ug dugang pa mga nakasaksi nga nakit-an nila ang ang trak nga naghaguros ang padagan.
Ingon man nga dili ‘accident prone area’ ang maong dapit apan alegasyon sa driver nga nawad-an ra kini og break.
Gi-turn-over na sa MITCOM ang drayber sa trak asa kapulisan alang sa himoon nga imbistigasyon, ingon man ang magsubay sa pamilya sa biktima.
