Lalaki, gibunalan og baso human nga mibalibad og tagay sa nawong, nakaangkon og dakong samad

CEBU CITY-Gibunalan og baso ang usa ka contruction worker human nga mibalibad kini sa tagay sa iyang kauban sa Barangay Jaguimit, dakbayan sa Naga.

Gidala sa tambalanan si Dante Sagome human nga nakaangkon kini og dakong samad sa iyang nawong.

Samtang nadakpan ang sad-an nga si Eric Baron, 30-anyos kinsang mibunal og baso sa biktima.

Matod pa ni Police Staff Sgt. Jake Catane, imbestigador sa Naga City Police Station nga ang suspek gikan sa usa ka Christmas party samtang ang biktima gikan sa iyang mga higala nga nagtagay.

Nasayran sa wala pa ang panghitabo, nagkalalis ang duha gumikan wala modawat sa baso ang biktima hinungdan nga na-insulto ang suspek og nalabayan niini og baso si Sagome.