CENTRAL VISAYAS-Mipasalig ang buhatan sa Armed Forces of the Philippines Central Visayas nga hugot ang ilang gihatag nga seguridad alang sa pagpatuman sa kalinaw ug kahapsay sa tibuok Visayas nunot kini sa sunod-sunod nga ‘bomb threat’ sa atong nasud.
Gani, atol sa pakighinabi sa Bombo Radyo Cebu News Team kang Lt. Col. Israel Galorio ang tigpamaba sa AFP Central Command na padayon sa gihapon ang ilang monitoring sa ulahing giingong gitamnan og bomba ang Cebu City Hall of Justice bisan paman nga nagnegatibo kini sa ilang gipahigayon nga panneling.
Ingon man nga gi-awhag ni Galorio ang katawhan nga dili mag-panik ug buhaton ang mga angay buhaton diin una niini mogawas sa bilding, itawag sa mga kapulisan ug uban pa.
Dugang pa sa opisyal nga kung gani adunay madawat nga mga hulga dili magduhaduha nga mmotawag ug isumbong sa mga otorisadong indibidwal arun mahatagan og tukmang aksyon ug madeterminar kung tinuod ba kini o dili
