LAPU-LAPU CITY-Nag-atubang sa kasong pagpanapat ang usa ka lalaki human kini giingong namatid og sakop sa Police Station 3 sa Lapu-Lapu City Police Office.
Nasayran nga ang gihinganlan nga ‘Jestoni’, kinsang lumulopyo sa usa ka division sa Barangay Babag, kinsang gisita sa kapulisan atol sa gipahigayon nga checkpoint sa mga sakop sa Special Weapon and Tactics o kon SWAT sa LLCPO nga gipangulohan ni Police Lt. Roland Melior gumikan sa iyang mga traffic violations.
Apan, wala kini nakig-kooperar sa kapulisan sa dihang gipangayuan og rehistro sa iyang gimaneho nga motor ingon man ang iyang lisensya gani tungod sa iyang karatol, aduna kini gikuha sa iyang bulsa nga usa ka tabletas nga gituohan nga iligal nga drogas.
Ug sa dihang gidakop ang suspek tungod sa iyang lihok ug wala nakapresentar sa mga dokumento, gitukmod ug gipatiran niini ang team leader sa SWAT ga si Lt. Melior.
Matud pa ni Police Lieutenant Col. Christian Torres tigpamaba sa Lapulapu City Police Office nga ang maong dinakpan gidala kini sa district hospital sa dakbayan apan gi-refer kini sa Vicente Sotto Memorial Medical Center sa posibleng mamahimo nga ma-overdose ang maong suspek hilabi na nga 1 ug tunga ang giinom niini nga ecstacy o marijuana nga dili dapat ing-ana.
Subay niini, kasong kalapasan sa Article 151 sa Revised Penal Code kon Direct Assault Upon Agent in Persons of Authority ang atubangon sa dinakpan.
