CEBU CITY-Gipahibalo sa Cebu City United Vendors Association (CCUVA) nga mo lanat lang og 18 kaadlaw ang ilahang pagpahigayon sa Colon Night Market sa downtown area
Gibutyag ni Maria Pino, CCUVA Head, nga hangtod lang sa Abril 14 ang pagpamaligya sa mga vendors, alas 6 sa gabii hangtud sa alas 12 sa tungang gabii, adlaw nga Lunes hangtud sa adlaw nga Domingo.
Matud pa, gibalik ang Night Market subay sa hangyo sa mga muslim, agi og pag-obserbar sa Ramadan.
Gitino ni Pino nga dili eksklusibo sa mga muslim ang pagpaninda, inay lakip na ang mga vendors nga nakakuha og pwesto niadtong Disyembre sa nakalabay nga tuig.
Sigon pa, anaa lang sa 60 ngadto sa 65 porsyento ang milakip karun sa Night Market gumikan kay ang ubang mga muslim ang mipa-uli man sa Mindanao.
Giawhag na lang ni Pino ang mga lokal ug langyaw nga mga bisita nga suroyon ang Colon Night Market diin makita ang mga barato, nindot ug lami-an nga mga paninda.
