Gipakusgan sa Department of Trade and Industry (DTI) ug Department of Agriculture (DA) ang pagmonitor sa presyo sa mga nag-unang panginahanglanon ug nag-unang palaliton.
Kini dungan sa pagpangandam sa nasud sa pag-abot sa La Nina phenomenon nga magdala og kusog nga pag-ulan ug posibleng mas subsob ug kusog nga mga bagyo.
Giluwat ni Trade Secretary Alfredo Pascual ang maong pamahayag human sa maisogon nga baruganan ni Defense Sec. Gilberto Teodoro sa ilang hiniusang paningkamot sa pagpakigbatok sa mga nagmaniobra sa presyo ug pagpanalipod sa mga konsumidor atol sa La Nina.
Matud pa usab sa kalihim nga nakig-alayon sila sa DILG aron ma-reactivate ang Local Price Coordinating Councils nga matud pa niya importanteng partner sa ilang price monitoring initiatives.
Samtang ang DTI nakigtambayayong usab sa DA aron masiguro ang patas nga presyo ug mapanalipdan ang kaayohan sa mga konsumidor.
Gipahinumdoman usab sa kadagkoan sa DTI ang publiko nga ipatuman ang automatic price control sa mga lugar nga ideklarar nga ubos sa state of calamity tungod sa La Nina.
