Mibalik na sa pagbansaybansay si Pinoy boxing legend Manny Pacquiao alang sa exhibition fight batok sa Japanese mixed martial artist nga si Chihiro Suzuki sa buwan sa Hulyo.
Sa exclusive interview sa Bombo Radyo Gensan kay Boxing Coach Buboy Fernandez, gipahayag niini nga ang away kay sa umaabot Hulyo 28 sa Saitama Arena sa Japan.
Matod ni Coach Buboy, three-round exhibition match kining maong away apan dili sila angay nga mokompyansa batok sa Japanese-Peruvian fighter ug reigning Rizin featherweight champion tungod kay taas kini, maayo ang rekord ug adunay daghang kasinatian sa ring.
Gidugang niini nga makahatag kini og maayong kondisyon alang sa Pinoy boxing champion.
Matod niya, lakip sa plano sa duwa mao ang pagpukan kang Suzuki.
Una sa tanan, niingon si Suzuki nga mapukan niya ang 45-anyos nga kanhi Senador, busa kinahanglang mangandam sila og maayo.
Niadtong Disyembre 2022, nagpahigayon usab kini og exhibition fight batok kang DK Yoo sa South Korea ug nidaog si Pacquiao pinaagi sa unanimous decision.
Misaad usab si Fernandez nga human sa exhibition fight sa Suzuki mangandam sila alang sa usa ka world title fight nga ipahigayon sa buwan sa Disyembre.
Sobra na sa duha ka tuig sukad sa katapusang professional fight ni Pacquiao apan napakyas kini batok kang Yordenis Ugas sa Las Vegas ug niadtong Disyembre 2022 nakig-away siya sa exhibition fight ni DK Yoo sa South Korea.
Human sa umaabot nga exhibition fight ni Pinoy boxing great Manny Pacquiao batok sa Japanese mixed martial artist sa buwan sa Hulyo, kompirmado nga giandam na ang negosasyon alang sa iyang pagbalik og potensyal nga world title fight batok ni Mario Barrios.
Mipahayag ang 45-anyos nga boksidor nga kinahanglan pa nga ayohon ang WBC welterweight world title fight batok sa Amerikanong boksidor nga si Barrios.
Gidugang pa niini nga mahimo kini sa Nobyembre o Disyembre apan nagdepende kini sa mga resulta sa mga pakigpulong.
Kahinumdoman nga ang kanhi Senador nipadayag sa iyang tinguha nga makasalmot sa Paris Olympics apan wala kini subay sa lagda sa International Olympic Committee.
