Gilusad na ang unang guided missile corvette sa Pilipinas nga hinimo sa South Korea.
Gipangunahan ni Department of National Defense Secretary Gilberto Teodoro Jr. uban sa laing mga opisyal sa militar nga naglansad sa barko nga ginganlag BRP Miguel Malvar (FF-O6) sa shipyard sa South Korean shipbuilder nga Hyundai Heavy Industries sa lungsod sa Ulsan, South Korea.
Kini nga barko maoy una sa 2 ka guided missile corvettes nga gipalit sa PH pinaagi sa Corvette Acquisition Program sa Philippine Navy.
Suno kay DND spokesperson Arsenio Andolong, ang guided missile corvette gihinganlan atol sa rebolusyonaryong heneral nga bayani sa Pilipinas nga si Gen. Miguel Malvar.
Samtang, sa pakigpulong ni Sec. Teodoro, gipadayag niini ang iyang tinguha nga sundogon ang bili o kinaiya sa South Korea nga “Indomitable Spirit” nga nagpasabot sa pagbarog sa husto ug pagpakita sa dili matarug nga kalig-on nga matud niya importante sa pag-uswag ug kalamboan sa South Korea.
Nagtuo usab ang kadagkoan sa DND nga makahatag usab kini og inspirasyon sa Pilipinas sa pagkab-ot sa hingpit nga potensyal niini.
Gipasalamatan usab sa kalihim ang Republic of Korea sa dili matarug nga suporta niini sa posisyon sa PH sa West Philippine Sea, partikular na sa pagsupak sa unilateral aggression ug illegal nga aksyon sa People’s Republic of China.
