Kampo ni Teves miinsister nga ang kanhi magbabalaod dili mahimong i-extradited samtang naghulat sa iyang political asylum request sa Timor Leste

Subling miinsister ang kampo ni kanhi Negros Oriental 3rd District Representative Arnolfo Teves Jr. nga dili mahimong i-extradite ang kanhi magbabalaod samtang nag-pending ang iyang political asylum request sa Timor Leste.

Matod ni Atty. Ferdinand Topacio, legal counsel ni Teves, ilang iapela ang extradition order nga giluwatan batok sa iyang kliyente sa Timor Leste Court of Appeals.

Dugang pa, nga ang hukom nga gipakanaog kang Teves mahimo pa nga iapela ug ila kining buhaton.

Gihimo ni Topacio ang pamahayag human gikumpirma sa DOJ nga gisuportahan sa TL ang extradition request nga gisang-at sa gobyerno sa Pilipinas batok kang Teves.

Gipasabot pa ni Topacio, nalatid sa Article 300 sa Code of Civil Procedure of Timor-Leste, aduna silay 30 ka adlaw sa pag-file og apela gikan sa pag-isyu sa notice.

Samtang, ang DOJ niingon nga gibasura ang motion for reconsideration nga gisang-at sa kampo ni Teves alang sa political asylum request niini.

Kini ang gikompirmar ni DOJ Undersecretary Raul Vasquez sa interbyu.

Ang DOJ nagpasalamat sa Timor Leste alang sa desisyon sa Timor Leste Court of appeal.

Naglaum kini nga ibasura usab sa korte sa maong nasud ang apela ni Teves alang sa iyang extradition order.