MILWAUKEE – Giingong buhion ni kanhi US President Donald Trump ang pangandoy sa Republican Party nga mapauli ang mga imigrante ug mapasig-uli ang kahusay sa ilang nasud.
Sa iyang pakigpulong sa Republican National Convention sa Milwaukee, siya miingon nga iyang ipatuman ang labing dako nga operasyon sa deportasyon sa kasaysayan sa ilang dapit.
Kon mahitabo kini, malabwan niini ang gipatuman ni kanhi US president Dwight D. Eisenhower, kinsa mipatuman usab sa dinagkong pagpauli sa mga langyaw ngadto sa Estados Unidos.
Sumala sa pipila ka tigdukiduki, kapin sa 1.3 ka milyong imigrante ang gipapauli gikan sa 1953 hangtod sa 1961.
Nagtuo si Eisenhower nga ang mga Amerikano angayan sa oportunidad nga makatrabaho ug adunay maayong kinabuhi ug wala’y lugar alang sa mga langyaw nga wala’y igong mga dokumento.
Sa laing bahin, si Trump nailhan usab nga usa ka lider nga nagtutok sa kalamboan sa iyang nasud, bisan kung ang iyang mga pamaagi usahay dili popular sa ubang mga sektor.
