SPAIN-Gipa-tattoo sa bana ang iyang tanang sala arun mapayslo sa iyang asawa.
Giila ang lalaki nga si Jose Torres nga taga nasud sa Spain nga mao’y labing gihisgutan, gilibak ug gitamay sa kadaghanan human ang hulagway niini nikatap sa internet diin makita ang listahan sa iyang mga sala nga nahimo sa iyang asawa.
Mao kini ang iyang pamaagi arun maghinulsol sa iyang pagluib sa iyang gihigugma.
Ang nahisgutang tattoo naglakip sa iyang mensahe ngadto sa iyang asawa, sa iyang tibuok pangalan, petsa, ug sa makauuwaw nga listahan sa iyang mga binuhatan nga mosangpot sa iyang lingin nga dughan ngadto sa iyang pusod.
Kini nga buhat ni Torres gituyo aron ipakita kung unsa siya ka sinsero sa pagpangayo og pasaylo sa tanan niyang emosyonal nga kasakit nga nahimo sa iyang asawa ug aron mabalik ang pagsalig niini kaniya.
