METRO MANILA-Gipahibalo sa Philippine National Police nga basi sa report sa Bureau of Immigration, wala’y timailhan nga nibiya na sa Pilipinas si Suspended Bamban, Tarlac Mayor Alice Guo.
Matud ni PNP Spokesperson Col. Jean Fajardo, bisan ang iyang mga kauban nga gipangita usab kay wala pa gihapon makagawas sa nasod.
Una nang gikataho nga adunay warrant of arrest si Guo gikan sa Senado human kini wala makatambong sa mga hearing kalabot sa gi-raid nga Philippine Offshore Gaming Operator (POGO) hub sa Bamban.
Gipasakaan usab og arrest order ang iyang mga igsuon nga sila si Sheila Leal Guo, Wesley Leal Guo, Jian Zhong Guo, Seimen Guo ug ang gidudahang inahan niini nga si Wen Yi Lim.
Nipasidaan si Fajardo nga mag-atubang usab og kaso ang mga mitabang sa pagtago kang Guo ug sa iyang kaubang mga akusado.
