Gikatahong nakatigom ang kampo ni US Democratic Presidential bet Kamala Harris og $540 milyon nga pondo sa usa lang ka buwan.
Diin ang kapin sa tunga sa bilyong dolyares nga natigom sa kampo ni Harris mao’y laing rekord sa kasaysayan sa kampanya sa US.
Gibuhat kini sa kampo sa Harris sukad nga sa katapusan mibiya si Biden sa pagkapangulo ug gi-endorso si Harris nga mopuli kaniya nga nahitabo sa ulahing bahin sa Hulyo ug sukad niadto ang kampo ni Harris nakadawat og sunodsunod nga donasyon.
Matod sa kampo ni Harris, bisan sa wala pa ipahigayon ang bag-o lang natapos nga Democratic National Convention ning milabayng semana, ang maong kampo nikabat na sa $500 million.
Samtang sa kampo sa Republican presidential bet Donald Trump, giingong anaa lang sa $327 milyon nga mga donasyon ang nahuptan pagsugod sa Agosto.
