Gidayg sa mga opisyales gikan sa nasudnong ahensya sa National Anti-Poverty Commission (NAPC) ang Tipolo Residences diin usa kini nga Collective Housing Community sa dakbayan sa Mandaue sa mga lungsuranon niini nga walay panimalay tungod sa pipila ka mga katalagman.
Gihimong modelo sa mga opisyal sa maong nasudnong ahensya ang maong housing project isip usa ka malampusong proyekto sa pagtubag sa problema sa housing sa usa ka dakbayan.
Ang pasidungog gitunol sa opisina ni Mandaue City Acting Mayor Glenn Bercede diin dungang sa nahitabong benchmarking sa NAPC ug ang pagtuon sa ahensya sa kagamhanang dakbayan sa pagpatuman sa Tipolo Residences.
Nakita sa NAPC ang pagkamalampusong sa maong proyekto nga naghatag ug kalidad nga panimalay para sa mga informal settlers nga hingpit nang nakaangkon ug desente nga pinuy-anan.
