Gikompirmar ni Fédération Internationale de Football Association (FIFA) President Gianni Infantino nga ang gikatakdang pag-abli sa gipaabot nga inaugural FIFA Futsal Women’s World Cup 2025 kay ipahigayon sa Pilipinas karong umaabot Nobyembre.
Matod ni Infantino, ang opening matches gikatakdang ipahigayon karong Nobyembre 21 diin ang mga partisipanteng teams magtigi aron mahilakip sa 16 ka grupo nga musulod sa finals nga ipahigayon sa Disyembre 7.
Gikan sa 16 ka teams bahinon sila sa upat ka grupo diin ang top two teams sa matag grupo maoy moabante sa knockout phase, quarter-finals, semi-finals, third-place play-off, ug final matches.
Sa pagkakaron, wala pa’y final nga nasud diin ipahigayon ang world cup apan aduna nay mga gipilian.
Kahinumduman nga niadtong Mayo 15, nakuha sa Pilipinas ang hosting rights sa duwa diin napildi ang ubang mga nasud nga nag-bid sama sa Brazil, Italy, ug Spain.
