Gipasalig sa South Korea nga kauban nila ang Pilipinas sa pagpasiugda sa rules-based maritime order ug freedom of navigation sa West Philippine Sea.
Mao kini ang gipasalig ni South Korean President Yoon Suk Yeol kang Presidente Ferdinand Marcos Jr. human sa ilang bilateral meeting sa Malacañang Palace.
Sa Joint Press Conference, gipahibalo ni South Korean President Yoon nga sama sa Pilipinas, gihatagan niini og bili ang kalinaw, kahapsay, ug kaluwasan sa West Philippine Sea, nga usa kacritical sea lane of communication sa rehiyon.
Matod ni Presidente Yoon, padayon sila nga magtinabangay alang sa pagpasiugda sa internasyonal nga balaod sa kadagatan, inubanan sa mas suod nga estratehikong kooperasyon.
Samtang, gitumbok ni Yoon nga ubos sa maritime cooperation agreement nga gipirmahan sa Pilipinas ug Korea Coast Guard, ang maritime security dungan nga ipatuman sa pakigbatok sa transnational crime, information exchange, ug search and rescue missions.
Ang maritime cooperation agreement tali sa Philippine Coast Guard ug South Korean Coast Guard makapalig-on pa sa relasyon sa duha ka mga coast guard.
