Gipaabot nga ipatuman ang big time oil price hike sunod semana base sa unang tulo ka adlaw nga trading sa kalibotanong merkado.
Sa unang 3 ka adlaw sa patigayon, nitaas ang presyo sa mga produktong petrolyo.
Kung diin, ang Diesel, misaka og P2.37/L, sa Gasoline P2.21/L samtang sa Kerosene P2.48/L.
Kini ang ikaupat na kini nga sunodsunod nga semana nga misaka ang presyo sa diesel ug kerosene samtang ang ikatulong sunodsunod nga semana sa gasolina.
Ang pag-usbaw sa presyo sa mga produktong petrolyo resulta sa nagkagrabeng kagubot sa Middle East ug sa pagsikad sa presyo sa imported nga gasolina og kapin sa P2 matag litro.
Gipaabot nga ipahibalo sa mga kompaniya sa lana ang opisyal nga presyo sa mga produktong petrolyo karong Lunes ug ipatuman kini sa Martes.
