CEBU CITY-Gikwestiyon sa kampo sa gikataktak nga Maypr sa dakbayan sa Sugbo nga si Michael “Mike” Rama ang legalidad sa pagpanumpa sa gahum isip Mayor sa dakbayan sa Sugbo ni Raymond Alvin Garcia.
Kini human matod pa nila nga ang proseso kay adunay naggakos nga irregularidad sa pagtudlo sa gahum lakip na ang mga dokumento niini.
Gipangulohan ang legal team ni Rama ni Suspended Ceb uCity Administrator Atty. Collin Rosell diin gihimug-atan niini nga wala makadawat ilang kampo sa mga necessary legal documents sama nalang sa implementing order nga magsupporta sa pag-asumer ni Garcia sa opisina.
Dugang pa ni Rosell nga nakamugna kini og kalibog sa dihang gipahigayon ang induction ni Garcia nga walay pagpahibalo sa ilang kampo.
Gikwestiyon sab nila ang desisyon gikan sa buhatan sa Ombudsman og ngano ang Deputy Ombudsman official ang milagda niini ug dili si Ombudsman Samuel Martires.
Gihatagan usab nila og gibug-aton nga nagpadayon ang mga legal nga aksyon nga nagpadayag nga nagsang-at sila og Motion for Reconsideration sa Ombudsman kaniadtong Oktubre 15, aron masusi ang desisyon.
Dugang pa, gipasaka sa kampo ni Rama ang kaso sa Korte Suprema aron hagiton ang diskwalipikasyon ni Rama sa pagdagan sa 2025 midterm election.
