Gipasiugdahan ni Department of Social Welfare and Development (DSWD) Secretary Rex Gatchalian ang Disaster Response Management Group (DRMG) sa ahensya aron pangandaman ang posibleng epekto sa bagyong Kristine ug pagtabang sa mga local government units (LGUs).
Matud ni Secretary Gatchalian, nga kinahanglan nga ma-secure ang tanan nga suplay sa ahensya sa lugar sa Ilocos Region, Cagayan Valley ug Cordillera Administrative Region (CAR) tungod gilauman nga pareho ang direksyon sa bagyo Kristine sa Super Typhoon Carina.
Nanawagan usab si Gatchalian sa tabang sa National Resource Operations Center (NROC) aron mapadali ang produksiyon sa mga family food packs (FFPs).
Dugang pa niya nga nakig-estorya usab ang ahensya sa Philippine Navy ug Office of Civil Defense (OCD) alang sa pag-apod-apod sa maong mga food packs sa lain-laing lugar.
Samtang, nagpabilin ang kusog sa bagyong ‘Kristine’ samtang paspas ang paglihok niini sa habagatang bahin sa nasud.
Basi sa forecast sa PAGASA, posibleng mo-landfall ang bagyo sa Northern Luzon karong Huwebes ug mugawas usab sa Philippine Area of Responsibility sa Biyernes sa gabii.
Gitambagan sa PAGASA ang publiko ug ang disaster risk reduction and management offices nga magmaalerto.
