Gimando ni Department of Agriculture Secretary Francisco Tiu Laurel Jr. ang pag-apod-apod sa dugang NFA rice alang sa mga lokal nga kagamhanan nga naapektuhan sa bagyong Kristine.
Sa situation briefing sa Palasyo, ang kalihim niingon nga magsilbi kini nga pagpangandam sa posibleng bagyo nga mosulod sa Philippine Area of Responsibility karong semanaha.
Matod niya ang sayo nga pag-ani sa humay sa lain-laing rehiyon nakatabang usab sa pagpamenos sa kinatibuk-ang kadaot sa sektor sa agrikultura tungod sa kadaot nga gibilin sa bagyong Kristine.
Gipasalig usab sa kalihim kang Presidente Ferdinand Marcos Jr. nga adunay igong suplay sa bugas human sa pagpalit sa NFA og bugas gikan sa mga lokal nga mag-uuma sa miaging ani.
Dugang niya aduna usay mga designated nga tindahan sa Kadiwa sa Camarines Sur ug kasamtangang nag-apod-apod sa NFA rice nga gipalit sa mga lokal nga kagamhanan.
