CEBU CITY- Nakalimpyo sa kapin 36-ka tonelada sa solid waste ang buhatan sa Cebu City Department of Public Services (DPS) sa mga nagkadaiyang sam-ang sa dakbayan sa Sugbo atol sa pagobserbar sa Kalag-kalag karong tuiga gikan Oktubre 31 hangtud Nobyembre 2.
Base sa giluwat nga datos sa DPS, gitanyag niini ang Calamba Cemetery ang hlabihang pinakadaghang nahipos nga basura nga mikabat sa 9.6-ka tonelada samtang nagsunod ang Queen City Memorial Gardens nga miabot sa 4.8-ka tonelada ang nahipos nga basura dayon ang Carreta Cemetery nga nakalimpyo sa 3.8-ka tonelada sa basura.
Samtang sa datos sa ubang mga sam-ang mao ang musunod:
Pardo Public Cemetery: 2.88-ka tonelada;
Veteran’s Memorial Cemetery: 2.94-ka tonelada;
Cabantan Public Cemetery: 2.5-ka tonelada;
Talamban Public Cemetery: 2.4-ka tonelada;
Doña Pepang Cemetery: 2-ka tonelada;
Cebu Memorial Park: 2.88-ka tonelada; ug sa
Chinese Cemetery: 2.16-ka tonelada
Ang maong aftercare program naglangkob sa Executive Order nga giisyu ni Cebu City Mayor Raymond Alvin Garcia nga nagtumong sa pagpabilin sa kalimpyo ug kahapsay sa mga pampublikong lugar sa dakbayan.
